حول القمع والديمقراطية الكاذبة : مهزلة 9 آفريل

ليوم 10 آفريل .
لبارح عيد الشهداء 9 آفريل . والشهداء منهم الموتى ومنهم الأحياء .
قبل أيامات وبعد  إهانة الجرحى وعيلات الشهداء قررنا نحن ، لعباد إلي منعرفوش بعضنا توجهات مختلفة مبادئ وحدة قررنا نهبط لنصرة اناس إلي دفعت غالي على خطرنا .
في هذا نتعهد إلي نروي الأحدث كما صارت رداً على لعريض إلي قال إن القمع مبرر .
تلمينا شوية شباب بش نتفاهمو على لافتات وغادي سمعنا إلي إضرب بدا .
خزرت للوقت نلقاها لعشرة متع اصباح.  ستغربنا سئلنا على مكان إضرب طلع شارع محمد الخامس .
حضرنا الموشوار والقارص والكوكا  والحليب وهبطنا من فرحات حشاد ضربتنا الريحة الغاز الحبيب .
عملنا الدورة وهبطنا على محمد الخامس انا ريت لاعلام متع تونس ترفرف قلبي رعش . ريت كبار وصغار وشباب .
بديت نصور وصلت نلقى لحاكم لقدام أكثر مل عباد بدينا نصيحو اوفياء لدماء الشهداء حبينا نقدمو حق اتظاهر واجب .. والحاكم بدا يصيح . تفرقنا كنت معنا فاطمة رياحي مشت بش تعمل طلة ف شارع جانبي تحصرت ! لحاكم ضرب غادي
بدينا نقدمو شوية ونسمع فالضرب لغاز بدا عنا جرينا هربنا تخنقنا في وست هذا لكل كان فما جريح ثورة ساقو مقصوصة يجري بعكاز هز علم تونس
بعد بربع ساعة ركحت الدنيا رجعنا عاودوا ضربوا أقوى وأقوى عنينا مشات نجريو ونلمو في بعضنا نسا تبكي رجال كبار طايحة ..
كلام كبير يقولوا فيه تقمعنا واحنا في بلاصتنا . 
الحاصل كان هناك كر وفر .. رجعنا في جولة ثالثة والمرة هذي اشي أقوى برشة أقوى حتى من أيامات جانفي 2011 شي كبير خالطين ورانا بالموتورات والمترك والغاز من نهج مرسيليا للباساج . منعنا بسيف منا إلي تضرب فما إلي تشدو.
مشينا من بعد لفاطمة  الرياحي إلي خلعولها اديها . تهنينا عليها ومشينا لشارل نيكول بش نشوفو حكاية البنية لقالو ماتت مالقينا شي أما الجرحى بكثرة .
فما لمشو للرابطة وحبيب ثامر .
المضروبين ميتحسبوش . بحذ تشارلز نيكول كنت فما حفلة متع النهضة فما وحدة عورة من عندهم تغني اوفياء لدماء الشهداء ركبنا الغزول مشينا !
يبعد هل نهار نروح لدار نرقد نقوم نلقى سي المرزوقي يحكي على شرعية الدولة ونحن هوكش وضربنا بالمولوتوف ونلقى العريض قلك نحن اعتدينا عل أمن ويحكي على مولوتوف ! جاني اردان ! 
كان السيد متع حقوق الانسان والوزير الي ذاق القمع يحكي هكا فعلى إدنيا إسلام مانجم نزيد شي في حالتي هذي
لنا عودة
لن تمروا


رحمة خبثاني

ضد السلطة العدد 18