شهدائنا خرجوا مل أكفان ، وانتفضوا .. راحوا يصرخون عار عليكم أيها لمستسلمون وطن يباع وأمة تنساق قطعانا وأنتم نائمون .. فاروق جويدة سؤال وجواب .. ليوم بش نعمل كما الراديون سؤال وجواب .. و مابيناتهم فاصل .. س : من قام بالثورة ؟؟ الحكومة الحالية ؟ الحكومة السابقة ؟ رشودة ؟ زابا ؟ أم اخرون ؟ ج : اخرون منهم إلي ماتوا وهم أحياء عند ربهم يرزقون و هاذم مايعبر عنهم بالأطراف الخفية ولا المجهولة صحيح خاطر بعد هل مسرحية سيئة الاخراج إلي يقولوها ثورة الجماعة لكل ركبت ودلدلت أطرافها كان هوما قعدوا أطراف خفية وماتوا وشبعوا موت .. أما لحق علاش الكذب تفكروهم .. فالإنتخابات وقع استعمالهم كى ماريونات ك غطاء تصويرة مع أم شهيد أخت شهيد جرت شهيد خيرٌ من ألف برنامج سياسي .. وزيد اوفياء اوفياء لدماء الشهداء وهكا تضمن كرسي فالمزلس ..
مجتمع لا يهمه الجائع إلا إذا كان ناخباً ولا يهمه العارى إلا إذا كانت امرأة (جلال عامر)
س : من قتل هذه الأطراف الخفية إلي يقولولها الشهداء ؟ أيادي خفية؟ أم هم القناصة ؟ ج : أنا نقول أيادي خفية خاطر إل قناصة إشاعة واللي يشد قناصة يهزوا لبابا إسبسي وايلا خليفته في موضوع جرحى الثورة سي ديلو.. تحية ليه بمناسبة غرة آفريل جوو عاد ..
س : ماذا يفعل الأن من قام بثورة ؟ ج: الشهيد في قبروا متربع يربرب .. والجريح قاعد يموت كل يوم عرق بعد عرق .. إلي في جنبو كرتوشة واللي في سلسول ضهرو ولي ساق تقصت.. وهو يستنى فالفرج ..
س : إيه وقتاش جاي لفرج .. ج : كيف تخلص إلمعاملات والاجراءت والأوراق ويموت هو ويولي شهيد .. وزيد قلك مش صحيح لكلهم جرحى ثورة .. فما لريحتو بشراب ..على خاطر في تونس وصلنا للوقت إلي لازمك تجري على حقك فالحياة حقك فالعلاج .. لازمك ألف صفة بش تنجم تتعالج واللي معندوش حليلو ربي ... إنت يلي تقرا مرحبا بيك فالبلد إلي حياتك فيه مرهونة في ورقة معندكش عادي تقعد تموت ميتلفتلك حد .. مرحباً في تونس مفجرة الربيع العربي ...
س : هل عندك ثقة فالحكومة المؤقتة برشة الحالية .. ج : طبعاً لا وألف لا .. مشيش في بالك إلي خاطر عنا وزارة حقوق انسان سي جبنا اصيد | من إحم إحم .. الوزير هذا بيدو كان زار إلجرحى في إضراب جوعهم وهناهم .. هو بيدو لتوى معمللهم شي .. هو بيدو الأن بعد أشهر مزيارة لولا جوه وتهانو و تمرمدو في وزارتو وزارة حقوق الانسان برشة برشة .. أما رد بالك مش إلانسان لكل أما كان المعاق لا والجريح لا والزوالي لا لباقي لكل يدخلوا فالفورفي .. لحكومة هذي إلي ملقوش فيها أولياء نعمتها إي نعم جرحى الثورة إلي جابوها من باريس ولندرة وحطوها عل كراسي ملقوش فيها لخير بش نلقى فيها أنا ؟؟ منين هل ثقة ؟؟ عبد لا تأخذ ه شفقة بانسان شبه ميت يستجدى في دواه بش يتلفتلك كيف تستحقوا ؟ تي ماهي واضحة لحكاية بش يعفس أليك كما عفس على جروحاتهم..
نريد العدل لا مزيد، فمن غير المعقول أن تعمل الشمس ١٢ ساعة فى اليوم لتذهب الأرباح إلى الجالسين فىالظل . جلال عامر
س : إلحل ؟؟ ..ج: نهار 7 أفريل فما تحرك.. نهار 9 آفريل فما تحرك شوف حل وصل صوتك تحرك إكتب عل حيط عل انترنات عل فلوس .. امشي طول على جريح .. ونسو .. أهبط أقعد شوكة في حلق جاحدي النعمة مررها للحكومة .. هبطلها الملاين عقد.. خوذ حق الجريح راهو مولى هكا كان على خاطرك ..
الأمة التى تفضل التغيير فى السرير لن يغيروا لها إلا «البامبرز» ديمة جلال عامر
جوو عاد ..
/idata%2F5062551%2Fimperialism_usa-copie-1.jpg)
/idata%2F5062551%2FTunisie-Policiers-1.jpg)
/https%3A%2F%2Fassets.over-blog.com%2Ft%2Fcedistic%2Fcamera.png)
/http%3A%2F%2Fmayfootekchay.tv%2Fattachment.php%3Fattachmentid%3D1078%26amp%3Bd%3D1324147096%26amp%3Bthumb%3D1)