لعزوزة هزها الواد وهي تقول شريعة ولا مدنية

الشعب يريد تطبيق الشريعة
الشعب يريد دولة مدنية ..
الشعب!! من نصب ***** حتى لتتكلمو بسمو الشعب ..
نهارة مسيرة ال-" تصبر " نصرةً للدولة المدنية ) إلي إنا من المنادين بها ) لكن للأسف برشة حاجات تخليني نشمئز.. الله غالب أنا انسانة ما فيا حي كان لقلب والقلب مش ياسر على بالو هل حكاية .. المهم نرجع للحكاية نهار المسيرة كان فما س د ف بحذا مونقالة 7 نوفمبر .. كان مازالوا يسموها هكا .. تي المهم ال- س د ف هذاك شنية رايو زعمة شريعة ولا دستور مدني ..
بون هو الهم لزرق إلي شافو في حياتو هربلو بمخو معاش يهموا ..
يا دين ازح .. منظر ينكح فالمخ في وسط مسيرة سلمية !
أما سلمية وأما تونس تونس حرة حرة ... الإستقلال إلي جا .. جا بهل مسيرات هاذي .. يا ذنوبي .. يا ذنوووبي ..
ولا خالتك زهرة إلي تبيع فالملصوقة والحمص المنفخ زعمة شنية قولها فالموضوع .. ولا لعباد إلي تسكن فالاجبال .. زعمة يخلطلهم لخبر إلي فما حكاية دستور من اصلو ..
يا حكومة ياااا حكومة إشنية لعب اذري هذا .. تي نحن ماسلمناش بدستور مدني وحقوق إنسان وجو هذاك لكل بش نعملوا دستور مبني على إشريعة ..
تي في دولة ديمقراطية حرية المرا والفرد فيها مكفولين والهم إلي تعدى على ولادها شي كبير .. تي في دولة لمرا في تخدم وشوف تخلط تعيش شوف لا ...
تي لمرا وتختار رجلها ونسبة الطلاق طالعة للسما خلي يا تعرس بوه على خوه 4 وعدي ..
تي احنا بتعليم فغنسي خاطر الفغونسي يعبر خير ومخلطناش نقدمو خلي عاد بالعربي ..
تي راني طليت طلة خفيفة على دستور مستمد من إشريعة متع حبيبكم إتحرير مخي قعد واقف ..
المادة 35 - الخليفة هو الدولة، فهو يملك جميع الصلاحيات التي تكون للدولة هذا قص لصق من دستور التحرير ! شنية يحب يقول ؟؟ المادة 113 - المرأة تعيش في حياة عامة وفي حياة خاصة. ففي الحياة العامة يجوز أن تعيش مع النساء والرجال المحارم والرجال الأجانب على أن لا يظهر منها إلا وجهها وكفاها،
وغير متبرجة ولا متبذّلة. وأما في الحياة الخاصة فلا يجوز أن تعيش إلا مع النساء أو مع محارمها ولا يجوز أن تعيش مع الرجال الأجانب.
وفي كلتا الحياتين تتقيد بجميع أحكام الشرع. معناها ألا دينية والمش مسلمة شتعمل ؟؟ مع لعلم إلي عنا منهم برشة ؟ باهي ولي تحب تتبرج وتمكيج وتعيش ؟؟
بالحق مانيش حقوقية ومانيش ياسر نفهم فالسياسة أما عندي خشم و الريحة وصلتني والحساسية بدات تتحير ..
أخطونا من حكاية اشعب يريد رهو مايريدش .. رهو يريد دولة كما هاذي أما زدها عدالة إجتماعية ونقصلها برشة فقر وتشيشة حرية وبرشة تعبير مقلكش جيبلي الدين من كتابو ! حلوا عن سمانا ..في إنتظار انهم يقروا شريعة ولا مدني إلغاز زاد والخضرة زادت وال ماء زاد وضو زاد وشعب رخص.. ياخي ال دستور الحالي فيه مايخالف الشريعة ..تعملت ثورة بش نقدمو رصت لعباد تبكي على دستور 59 .. يا النهضة بهيمة يا قاعدة إتدز بنا بسيف ف احضان التجمع ومن لف لفهم .. من باب أخف الضررين ..احتقاري للنهضة وما جاورها فكرياً كورتو بالقضيةيا دين ازح من تجسيد إله لحرق قرأن لإختيار قرين .. بسيف بش تشربونا دستور بشريعة .. خسئتم انتم وهل أساليب الحقيرة .. يا من تبغون الحوريات فالسما رهو فما عزايز ميتة بالجوع عل أرض وفي تونس .. مش كان تبداو بهم خير ..
رهوا إلي بش تكتبوه دستور مش حصن حصين ..
.. وكما قال عبد رحمان الكافي

تونس مريضة شاكية من داها طبيبها مازال ما جاهاشي
حزينة و تبكي من شديد عناها على ولدها جاهل و مايقراشي
جهل ذراريها هو اللــــي زايد عـــــــلى ما بيـــــــــــــــــها
وشيوخها قرضات بالتفصيلة وجودهم كيف بيه كيف بلاشي ..
سمعتوا شقال .. قال ولدها جاهل .. وشيوخها قرضات كيفكم كي بلاشي .. حلوا .. عينيكم ووذنيكم .. وصبر لله ورجوع الربي ..
حقها : زعمة فشريعة الجريح نخلوه جريح لين يتعفن هو من جهة ويسهل ربي ويتكتب إدستور وتقر الحقوق .. الجريح فالشريعة لازمو يستنى عام ؟؟ ولا كيفاش ؟
؟ لا لا مش فشريعة باهي فالإنسانية الجريح يستنى عام وشوف يداوى شوف لا ؟؟
الجواب هو حتما لا .. إيه مالا هاو عنا جرحى قاعدين يتعفنو وبجروحهم تحطت ناس على كراسي لا جابو فالشريعة ولا جابو فالإنسانية ..


ولن تمروا ..

رحمة خبثاني
ضد السلطة العدد 16