موش قالو ضهر لبهيم وفا؟؟ ثورة !

par 

BlueBerry

 le 28/08/2011 à 14h17 (259 Lectures)

لكلنا ولا أغلبنا شفنا لبارح كيف حساب لفسبوك الشخصي لعماد إطرابلسي تقرصن ورغم اللي لموضوع في حد ذاتو معندوش برشة أهمية في نظري انا منتصورش بش نلقى أسرار لبلاد 
في حسابات الفيسبوك إلا انو مشيت عملت طلة بش نشوف عاد في أكثر من مرة وفي أكثر
من ستاتس وصورة تكرر ضهور ثلة من المبندرين في 
يا سيدي أجلكم الله وحماكم وسحابة صيف ولكلنا عنا فيكم الثقة إلخ إلخ
على نية دخلت لبروفيل واحد فيهم على إدخلة 4 أصدقاء مشتركين تعجبت الطينة هاذي في بالي معنديش منها المهم دخلت للحائط وبديت نتصفح ...
قداش غاظني الكازي عندو سكيزوفرينيا حادة برشة أول حاجة تعرضك عريضة ضد غلاء المعيشة
ومع لفقراء ثاني حاجة عريضة لمحاسبة رموز الفساد السابق ثالث حاجة بطبيعة انتماؤه 
لحزب حالي موجود وهو حزب المجد ونشاطو المكثف فيه.
. السيد هذا هو جلال الدين دلالي .
سيدي ماعندي شي ضدك شخصياً أما علاش ماكش محدد موقفك ثبت روحك مع شعب ولا ضد وتحب تحاسب رموز لفساد هاك كنت تبندرلهم ضربكم على يديكم بش تكتبولهم فالفايسبوك ؟؟؟ 
ثم انتمائك لحزب موجود حاليا أسقط ثقتي فيه (لامحالة انا من قبل ماخذا منو حذري )
المهم لازم مثال واحد معاكس بش ندحض النظرية ! أنت لمثال والمجد نظرية !