العيد بين فرحة وذكرى شهيد ..

23.10.2011

par
BlueBerry
le 30/08/2011 à 11h02 (311 Lectures)

المقال الثاني نكتب فيه في أول نهار بعد رمضان ، أي نهار لعيد قدام قهوة بنينة حضرتها بيدياتي لملاح
العيد حاجة باهية برشة لعباد لكل تحب بعضها وتنسى الكره والبغض حتى لمدة 24 ساعة
العيد حاجة بنينة ريحة فواحة طل علينا من ذكريات لماضي وصغرنا إلي فات
عيد العام هذا يجعلوا ربي خير وبركة على شعب التونسي لكل مش كيف لاعياد إلي تعدات لكل .
عيد العام عيد كرامة وحرية .. ونتمنى لو يكون عيد رحمة ...
أنا العيد هذا دعيت ليا ولعباد منعرفهمش كان من بعض الصور إلي ريتها ولا من بعض المقالات
ولا حكايات سمعتها ..
دعيت لأم الشهيد إلي خلاها لا والي لا عايل ..
دعيت لمرت الشهيد إلي خلاها ولدها في كرشها .. ونارها في قلبها ...
دعيت لبو الشهيد إلي كيف ولدو خسر صاحب
عمرو ورفيق دربو..
دعيت لأولاد مايعرفو مل عيد كان اسمو ..
وليدات ترضى بل كتب وتفرح بابسط الأشياء بنيات عمرها مالعبت بعروسة
أمهات تبات يدها على خدها تخمم على نهار العيد كيفاش بش يتعدى
المهم نتمنى إتوانسة لكل نخمو فيهم
نتذكروهم ...
ونعاونوهم لمن إستطاع إليه سبيلاً..