امنياتي

عسلامة

:)
قررت قبل نهار
من عيد ميلادي قررت اني نكتب امنياتي ! كيما الميت يكتب وصيتو !! لتشبيه لا غير
بمناسبة عيد ميلادي المجيد ! واللي نبلغ فيه من العمر 23 سنة نقولها بكل منعرش شنية خاطر منعرش احساسي شنية بضبط !
قررت نعمل ليستة متع أمنيات فماش ماتخطف وحدة فيهم !!
الامنيات هذي متوزعة على صعيد الشخصي برشة الشخصي العائلي العملي المحيطي الدولي معناها نقصد في أمور البلاد

نبداو بالنسق التصاعدي

!

على صعيد الشخصي برشة

:
نتمنى السلام مش للعالم أما لروحي .. ما أحوجها لهذا الإحساس ! برشة راحة بال ولو اني مقتنعة جداً إلي من لمستحيل ! نتمنى يتعدى لعام اجاي لكل من غير ما تصيرلي فيه حتى حاجة تستحق الملاحظة ! منحبش علاقة عاطفية عنيفة ولا حب جارف ينتهي بالفشل الذريع !
منحبش برشة فلوس اتدخلي حياتي في حيط .. منحبش نجاح باهر برشة .. منحبش حتى شي كبير .. نحب قلبي المستقل لا هو لي ولا لغيري قال الاستاذ محمود درويش " نحبو يقعد مستقل .. ديمة مستقل ! نتمنى أخلاقي تتحسن شوية :) نتمنى شوية إستقرار نفسي ...
..

على صعيد الشخصي تو كور نتمنى ربي يسهلي في خارجة مل بلاد ، هكا سفرة لبلاصة باردة  

كما كندا ولا حاجة كما هكا ! نعيش غادي وحدي لا تات ترانكيل .. نحب خويا ياخذ لبكالوريا وينفسني

نحبو يكبر ويعمل عقل ..
على صعيد المحيطي نحب إلي دايرين بي لكل يبداو فرحانين مش خاطرني بنية باهية ونخمم في غيري بش ما يجيويش
يشكيولي وما نقعدش نعاني فيهم !!
على صعيد لعملي محاشتيش بحاجة كبيرة .. فقط زملائي فالعمل إتلهاو في رواحكم بجاه ربي تو نعيشو لكلنا لاباس ..
على صعيد لوطني توا !
نشالله نوليو بالحق عباد تحترم بعضها نشالله نفس العادات إلي تربينا عليها ضمنياً تقعد ديمة موجودة من قبيل لا فرق بين مسلم وأي شخص أخر عندو عقيدة أو إعتقاد أخر .. لا فرق بين بلدي ولد العاصمة
وبين أي واحد جاي من أي ولاية أخرى ! يا ريت فجأةً المناطق الداخلية لكلها تحيا ويدخلوها فالحركة الإقتصادية والتشغيلية نتمنى برشة عدالة إجتماعية

عل أقل ثورتنا الجاية تكون فكرية ثقافية

!!
وهكا الخنار إلي خرج بعد 14 جانفي معادش يظهر رغم إلي يا ذنوبي

نتمنى برشة موزيكا بنينة برشة فن برشة حاجات لروحي .. هذا هو نتصور طلبات معقولة ولا صعيب ؟؟؟؟