تونس في 24 أكتوبر 2011

عسلامة ،
ليوم إنهار الأول فال-.. حرية .
أنا فرحانة برشة باللي ريتو لبارح ... الناس ماشين يصوتوا بكبيرهم بصغيرهم.
لكل قامو بواجبهم لأول مرة يمكن .. لكل حسو بالفخر وال- إعتزاز والوطنية وما إلى ذلك من هذه لمشاعر إلي تقريبا جديدة قديمة فينا !!
التونسي إختار وقال رايو !!! هذا قانون اللعبة لعبة الإنتخابات والديمقراطية ..
لكن سؤال هل هذا إختيار مسؤول !! هل فعلاً إن التونسي خمم كيف جاء يختار ؟؟ هل قرروا مبني عن قناعة !!

هل كيف دخل بش يختار عرف يختار !!

أنا مثلاً نعرف زوز من أصحابي إلي دخلت بش تنتخب البديل اثوري حطت قطب !! واللي دخلت بش تنتخب مرزوقي لقات روحها حطت نهضة !! كيف قلتلهم علاش وحدة قتلي دخلت بعضي !! ووحدة قتلي خفت !!! لحكاية تذاكر بإمتحان البكالوريا ونتي قدمك ورقة الإمتحان ولزمك تعمل الإختيار اصحيح !! برشة يبداو راكزين يعرفوا شنوا يعملوا وبرشة الأغلبية خلينا نقولوا يدخلوا بعضهم ويشدهم التراك ويعملوا لاختيار الغلط وب هما يعرفوا الجواب اصحيح ..
لزمنا نفهمو إلي التونسي كيف أي طفل صغير مازال يتعلم فالمشي !! عادي إن يتعثر ويطيح !!
لازم نعرفو إلي الإختيار جديد علينا !! مهوش في سبرنا !! عادي إن نتقبلوه بطريقة صعيبة جدا ..
لكن هذا هو قانون اللعبة !! بش نعملوا اصحيح لزمنا نعملوا برشة غلط !! عادي
غلط برشة إن الهاشمي الحامدي مع عدم احترامي لشخصه !! كمرشح كى بنادري سابق وكى منعرش شنية لاحق

ياخذ فرصة إن يكتب دستورنا

 !!
لبارح تعدتلي ليلة صعيبة نسخايل بالحق بش تجيني جلطة وانا نقرى فالنتائج إلي تداولها صفحات ال- فسبوك وبعض الإذاعات .. نعرف إلي فما برشة مهازل بش تصير وصارت !! لكن حسيت بخيبة أمل ! خاطر مش لعباد لكل صوتت بعقلها !! فما لصوت بقلبو وفما إلي بجيبو !! و- فما إلي دز تخطف !!
ليوم مازال ساعة على نتائج الإنتخابات !! فوز النهضة شي مؤكد لكن أنا بش نستنى النتائج النهائية بش نعرفو شنية مسؤلية النهضة وبقيت "بتاء مفتوحة " الاحزاب . نستنى بش نفهم كل واحد شنية حدودو إلي ليه واللي عليه !!! وقتا وين نجم نفهم روحي !!
وبطبيعة مبروك للي بش يربح !!!
مل اخر وكما في كل إنتخابات فما حزب رابح وفما لمعارضة !

وإن عدتم عدنا

ET QUE LA PARTIE COMMENCE ..