حكايات من هوني ومن غادي ٢

      par 

BlueBerry

le 19/10/2011 à 13h21 (289 Lectures)

لبارح فالليل بعد يوم عمل شاق لا بل كارثي ، خرجت وترميت في كرهبة الخدمة ! طلع السائق سلم عليا بتمتمات خافتة كل عادة ...

السائق هذا جديد قديم .. يوصلني كل يوم توا عندو 3 أشهر .. طريق كامل يخيم الصمت المطبق .. مانسمع منو كان عسلامة مادموازل تصبح على خير مادموازل .. مايسمع مني كان عسلامة مسيو تصبح على خير مسيو ..


حطلنا شوية فن راقي .. سكت 5 دقايق وبعد قلي مادموازل بش تنتخب ؟؟؟
تفاجأت بصراحة .. هذا إلي نسميوه سؤال مل حيط إبتسمتلو في محاولة لربح الوقت بش نخمم في حاجة نقولها خاطر مازالوا 4 أيام عل إنتخابات وحالتي النفسية متسمحليش بش ندخل في نقاشات سياسية ولا متسيسة ولا إلي هو .. شي منفهمش فيه ومنتفهمش فيه مل مستحسن نتجنبو ... إبتسمتلو وقتلوا نمتنع عن الاجابةونتي ؟؟؟ شكون بش تنتخب ؟؟ السؤال الأكثر طرحاً ف تونس تواقلي انا مش بش ننتخب .. قتلوا علاش ؟؟؟ الجواب كان : قلي يا انسة شكون بش ننتخب قلي كان فما حزب ولا قايمة وحدة تخمم فالزوالي إلي عمل الثورة رأني انتخبت كان فما شخص داخل للإنتخابات وفي مخو بش ياخو حق الشهيد راني نصوتلو .. قلي احزاب توعد في خبزة ب-100 وخمسة ملايين فالعرس وما وضو بلاش ... احزاب متتصدقش واحزاب تحارب فالحجاب واحزاب لاهيا تحارب فالاسلاميين ولهذم يصلحوا ولا هاذم يصلحوا ..
قلي مفما مايعجب يا انسة ...
قلي قبل ب-4 أيام في عوض ماتلقى خدمة وجد تلقى كان تقشقيش لحناك ...
قلي أنا حزبي الشعب الطبقة علي مازالت غير ضاهرة للعيان وغير مرئية في عيون المترشحين .. تو كيف لحزب هذا يرشح روحو تو ننتخب ..

و بدا يحكي على لخدمة وجبدلي على أستاذ قراه فالماجستير ) وهوني نكتشف إلي السيد عندو ماجستير !!!! منجمش نقول ألي انا تصدمت خاطر حتى عون السلامة إلي كل يوم يحشمني على روحي كيف يحللنا لباب ببتسامة عريضة عندو ماجستير
بون احتراماتي لهم خاطر فالأخر لكلنا تحت رحمة راس اشهر

حكينا حكينا لين وصلت .

ابتسمت إبتسامة عريضة جداً جداً
في مخي ماكنتش نتصور إلي الوحيد إلي في محيطي إلي بش يكون عندو نفس الموقف هو السائق المزيان الصامت



جميلة كانت هذه الرحلة القصيرة إلي خرجتني مل تقوقع متاعي .. هبط مل كرهبة رجعت للقوقعة متاعيودخلنا لدار ..
أنا والقوقعة




واليوم يوم أخر ..