نوبل للتقطيع وتريش

23.10.2011

par

le 29/09/2011 à 11h06 (899 Lectures)

صباح الخير ..
منعرفش علاش متخطرلي بش نكتب كان كيف نبدا في قمة الغضب وتعاسة والكأبة والملل والرتابة إلخ إلخ
المهم مع الستراس إلي عايشة فيه هل أيمات حليت الفايسبوك مع قهوة الصباح .. وياريتني ماعملت ها هل عملة ...

الكلو يحكي على لينا بن مهني ..

إلي يسب إلي عاير إلي يكفر إلي يقفف ..
لوجت لوجت هاو تو نلقى موضوع أخر .. هاو تو نلقى شكون كاتب حاجة أخرى ..
ليوم فما لمحكمة متاع الفرياني .. فما احزاب تحضر في برامج .. فما ألف حاجة أخرى نجمو نحكو عليها بالإضافة إلى موضوع جائزة نوبل ..
صحيح الموضوع مل مستجدات وعادي إن يحكيو عليه أما علاش الحجم الكبير برشة هذا ؟؟؟؟
كان فما شكون أخر كان معمل نقلوا مفتتكش حاجة كبيرة رهو حتى بيريز خذاها هل جايزة

علاش الشعب الإفتراضي لكل يحكي فرد وقت على نفس الموضوع .؟؟ يا رسول الله كرشي تقلبت قهوتي بش نرجعها من كثر مقريت على نفس لحكاية ؟؟
مع اني مقتنعة إلي لينا بمهني مدونة ذات مستوى عادي جداً وساعة ساعة تدخل في مرحلة إتخلويذ .. واللي برشة ديبلاسو وصوروا أيام إثورة وبرشة نشطوا أيمات عمار .. لكنها تبقى مدونة ناشطة و بارك الله فيها .. تنجم اتكون متستحقش الجائزة ولا اترشح لكنها ترشحت وولات تمثل تونس ..
إذاً يا يسكتوا يا يقول كلمة خير ..
الأهم من هذا .. تحس إلي اشعب التونسي سيب الدنيا ودين وحالة لبلاد المرزي وكبش في هل حكاية ..
حقا ...
تحياتي للاحزاب ذوات مراكز النداء .. كلمة خفيفة .. رنا كيف بش نحضر ليجتماع نحضر مش لازم المرج وتليفونات في كل وقت .. وكيف معنيش معنيش حتى كان تبعثولنا ليموزين ..
وكما قال الحاج بريك انها لثورة حتى انصر ..
وشكر